Турскиот град Истанбул од 27 април до 3 мај 2015 година ќе го организира својот прв АТП турнир, објави денеска Здружението на тениски професионалци.
Турнирот ќе се игра на земјена подлога во најголемата тениска академија на светот која има 63 отворени и затворени тениски игралишта. Централниот терен на академијата има подвижен кров.
Вклучувајќи го и турнирот во Истанбул, АТП календарот во 2015 година ќе содржи 62 натпреварувања во 32 држави.
Претходно Истанбул организираше турнир ВТА турнири на кои учествуваа најсилните светски тенисерки.