Новак Ѓоковиќ, благодарение на титулата која во неделата ја освои на Вимблдон, се врати на првото место на АТП листата. Ѓоковиќ во финалето на најпрестижниот светски турнир за три часа и 55 минути го совлада Роџер Федерер со 3-2.
Ѓоковиќ на првото место на АТП листата се враќа прв пат по 7.октомври минатата година кога бројот 1 му го препушти на Рафаел Надал.
Српскиот тенисер, во понеделникот, ја започна својата 102 недела на првото место на АТП листата.
Ѓоковиќ на првото место има 13.130 бодови, втор е Надал со 12.670, додека Федерер се врати на третото место пред сонародникот Станислас Вавринка.
Најдобрите четворица ги следат Томаш Бердих од Чешка и Канаѓанецот Милош Раониќ, за кого шестото место е и најдобар АТП ранкинг во кариерата.
Давид Ферер и Хуан Мартин дел Потро ги задржаа позициите кои ги имаа и пред Вимблдон, а зад нив е Бугаринот Григор Димитров, кој со пласманот во финалето на Вимблдон се искачи на деветото место.
Енди Мареј е на десетото место, Британецот загуби пет позиции откако не успеа да ја одбрани титулата на Вимблдон.