На градското пристаниште во Охрид денеска ќе биде осветено и отворено спомен-обележје посветено на православниот христијански празник „Богојавление-Водици“.
Автор на скулптурата е академскиот скулптор Ангел Коруновски од Велес, а скулптурата е поставена на рељефен постамент со ранохристијански и богојавленски мотиви.
Спомен обележјето, што го симболизира вадењето на светиот крст од осветените води на Охридското Езеро, е донација Ванчо Чифлиганец, кум на Водици-Охрид 2012 и генерален директор на градежната компанија Адора Инженеринг.
Иницијатор покрај Чифлиганец е и здружението за целосна афирмација на МПЦ Богојавление-Охрид, во соработка со Општина Охрид.
Спомен обележјето ќе го осветат свештеници на Дебарско-Кичевската Епархија предводени од митрополитот Тимотеј, а симболично ќе го отворат градоначалникот на Охрид, Никола Бакрачески и Чифлиганец.
Отворањето на спомен-обележјето „Богојавление-Водици“ е во рамките на манифестацијата „Бело лето“, со што симбилично се означува почетокот на главната туристичка сезона во Охрид.