Раководителот на времената влада на Либија Абдулах ат Тани синоќа објави крај на нафтената криза во земјата, откако властите повратија контрола над две клучни нафтени пристаништа, кои речиси една година беа под контрола на бунтовниците во источна Либија.
Лидерот на бунтовниците Ибрахим ал Џадран објави дека ги ослободуваат терминалите во Рас Лануф и Сидра, од кои се врши извоз на половина од либиската сурова нафта. Двајцата одржаа заедничка прес конференција во Рас Лануф.
Целосното ослободување на нафтените терминали е во рамките на договорот постигнат на 6 април меѓу бунтовниците и властите.