Новак Ѓоковиќ се изнамачи во дуелот со Хрватот Марин Чилиќ, а на крајот сепак успеа да слави во пет сета – 6-1, 3-6, 6(4)-7, 6-2, 6-2.
Вториот светски рекет одлично го започна натпреварот, лесно отвори и во првиот сет му препушти само еден гејм на Чилиќ,
Во вториот сет Хрватот заигра далеку подобро и со падот на концентрацијата кај Србинот го доби истиот, а во третиот сет беше постабилен и во тај-брејкот па поведе со 2-1.
Сепак, Ѓоковиќ во четвртиот сет заигра онака како што знае, па тој, а и одлучувачкиот сет ги доби со по 6-2, па стигна до полуфиналето каде за противник ќе го има Бугаринот Григор Димитров кој претходно пријатно изненади и го елиминираше Енди Мареј.