Една бугарска и една швајцарска компанија ќе го купуваат оловниот и цинков концентрат кој се произведува во комбинатот „Трепча“.
Се предвидува да се произведат околу 13 илјади тони концентрат на олово и цинк за една година, кои на Трепча ќе и донесат приход од околу 15 милиони евра.
Нефункционирањето на металургијата во Косово, условува финалниот производ во комбинатот да биде концентратот на овие два метала.
Финансиската вредност на оловниот концентрат е пониска за 30 отсто од цената на оловото на берза или околу 60 отсто пониска од цената на цинкот на лондонската берза.
Толку е загубата на Косово во неможност да го функционализира секторот за преработка на конентратот до финален производ – чисто олово и цинк. Се проценува дека рудникот „Трепча“ располага со 63,3 милиони тони олово- цинкова руда.