Косопственикот на рекордот од 15 постигнати голови на Мундијалите Бразилецот Роналдо со кој неодамна се израмни Мирослав Клосе е убеден дека Германецот Томас Милер наскоро ќе го сруши нивниот рекорд.
„Милер наскоро може да биде сам на врвот на листата најдобри стрелци на Светските првенства’’, изјави Роналдо за германскиот весник Билд.
Свесен дека шанса да го мине има и Клосе кој веќе постигна еден гол на првенството во Бразил, Роналдо дополни: „На Клосе на ова првенство му требаше само еден гол да ме достигне, тој го направи тоа’’.
Инаку Томас Милер веќе постигна четири голови на Мундијалот. Во првото коло против Португалија постигна три, а вчера беше и стрелец во дуелот против САД.
Напаѓачот на Германија и минхенски Баерн досега на светските првенства има постигнато вкупно девет голови, а нова можност ќе има во понедленик кога Германија ќе го игра осминафиналниот меч против Алжир.