Во петдневна работна посета на Академијата за судии и јавни обвинители „Павел Шатев“ од денеска ќе престојува делегација од Правосудната академија на Република Турција.
Турската делегација за време на престојот ќе ги посети Уставниот суд на Република Македонија, Врховниот суд на Република Македонија, Судскиот совет на Република Македонија, Советот на јавните обвинители на Република Македонија, Управниот суд на Република Македонија, Апелацискиот суд Битола, Основниот суд Охрид и Министерството за правда на Република Македонија.
Целта на посетата, која се реализира во рамки на соработката меѓу двете академии, е запознавање на Делегацијата со правосудниот систем на Република Македонија, а особено со поставеноста и достигнувањата на Академијата за судии и јавни обвинители и нејзината улога во унапредувањето на правосудството на Република Македонија.