Денот на Охридското Езеро, 21 Јуни, денеска ќе биде одбележан во Поградец, Република Албанија.
На одбележувањето каде ќе биде организиран саем на традиционални производи, културни и спортски манифестации, ќе присуствува делегација на општина Охрид.
По повод Денот на езерото отворени ќе бидат и два хотелски капацитета.
Денот на Охридското Езеро се одбележува од 21 јуни 2000-та со различни активности, најизменично секоја година во трите езерски градови – Охрид, Струга и Поградец. Целта е симболично да се покаже грижата за заштита на езерото од македонска и од албанска страна.
