Со изложбата „Јазик, идеологија и насилство“ организирана од тимот на Колиција „Сексуални и здравствени права на маргинализираните заедници“ која вечерва, во 20 часот ќе биде отворена во Мобилна галериј, во паркот на Франкофонијата ќе почн и годинешнава Недела на Гордоста.
Изложбата “Јазикот, идеологијата и насилството“ го претставува споменикот на Нацијата – јазикот канализиран, избрусен, усвоен и потврден од културните и научните институции на националната држава.
Ако јазикот на еден народ е една од суштествените алатки за конструкцијата на националниот идентитет и темелот на културното само-препознавање, поставувањето на овие фрагменти има за цел да ја отвори идеолошката утроба на националниот јазик и авторитетот на легитимизирачките институции.
Зборовите затворени во овие речници и обвиткани во значења ја рефлектираат историјата на хиерархии и исклучување, вредносната скала и сликата која институциите му ја даваат на еден народ, и како такви претставуваат демонстрација на границите на националниот идентитет и неговите исклучувачки механизми.