Претседателот на Социјалдемократската младина на Македонија (СДММ), Стефан Богоев, во периодот од 20-ти до 22-ри јуни, ќе учествува на Работнилница во организација на Републиканскиот институт ИРИ, која се одржува во Вилнус, Литванија.
На работилницата ќе учествуваат голем број претставници од политички партии, невладини и тинк-тенк организации од Европа.
Ќе се дискутира на различни теми, ставајќи посебен акцент на современиот начин на водење на политичка кампања и подобрување на комуникацијата со избирачите.
Исто така, ќе има интерактивна дискусија за ментално мапирање и таргетирање на гласачите и трансформација на политичките организации кон нивните потреби и желби.
Предвидена е и дебата за потребата од балансирано известување на медиумите за програмите и политиките на политичките партии и нивното влијание не само во политичкиот, туку и во општествениот живот.