Обединетата македонска дијаспора (ОМД) и го честита формирањето на новата Влада на Република Македонија и повикува, двете страни, власта и опозицијата, да работат заеднички на јакнење на политичката стабилност во државата. Само така, смета ОМД, Македонија ќе може да продолжи со реформите потребни за постигнување на стратегиските цели, вклучувајќи ги и евро-атлантските интеграции.
– ОМД ја препознава силната поларизација меѓу политичките партии во Македонија и ги повикува сите политички лидери да се стави крај на политичката поларизација. Улогата на политичките партии и нивниот интерес не треба да заземаат примарната улога во која било сфера на македонското општество, соопшти ОМД.
Според Обединетата македонска дијаспора, националните интереси секогаш треба да бидат над личните. Многу повеќе работа и жртва се неопходни од двете страни за надминување на актуелната политичка криза и обезбедување подобар животен стандард, како и економски просперитет за македонските граѓани.
ОМД го охрабрува новиот владин кабинет да работи на подобрување на економската состојба.