Екипата на Црвена звезда ќе го заземе местото на загрепска Цибона во кошаркарската Евролига.
Како што пренесуваат медиумите во Србија, белградската екипа ќе го наследи местото на Цибона во Евролигата, откако хрватскиот тим потврдил дека ќе го откаже своето учество.
Цибона со триумфот во регионалната АБА лига обезбеди пласман во најелитното европско клупско натпреварување (Евролигата), но поради проблемите со финансиите го откажа својот настап.
– Разговарав со челниците на Цибона, тие ми соопштија дека се откажуваат од Евролигата. Во тој случај Црвена звезда ќе оди директно во Евролигата, а Партизан најверојатно ќе игра во квалификациите’, изјави за Б92 генералниот менаџер на АБА лигата Роман Лисац.
Директен пласман во Евролигата обезбеди и финалистот во АБА конкуренцијата Цедевита.