Низ улиците на градот Струга веќе подолг период секојдневна глетка е отруени тела на бездомни кучиња.
За град со туристичко реноме како Струга кој најмногу егзистира од туристите од Холандија е срамно и неодговорно една општина на ваков нецивилизиран и нехуман начин да го решава овој долгогодишен проблем со бездомните животни, велат од здружението Animal World.
Јавно упатуваме апел до “ЈП Комунално” и одговорните на “Паркови и зеленило” да престанат со оваа срамна долгогодишна практика на труење на бездомните животни со кој се изложуваат и граѓаните на општина Струга на опасност.
Срамно е една државна институција самата да го прекршува правниот поредок и највисокиот акт на една држава.
Здружението Animal World од Струга ќе продолжи да врши притисок за конечно решавање на овој проблем со помош на методот „ЗАЛОВИ, КАСТРИРАЈ/СТЕРИЛИЗИРАЈ, ВРАТИ” и да ја информира јавноста за оваа практика на надлежните институции со која на најдиректен начин се прекршува правниот поредок на нашата земја.
