Министерот за надворешни работи на Република Македонија, Никола Попоски, во понеделникот ги прими копиите од Акредитивните писма од новоименуваниот вонреден и ополномоштен амбасадор на Република Словенија, Бранко Раковец.
Министерот Попоски му посака добредојде на амбасадорот Раковец упатувајќи желби за успех во вршењето на новата функција, истовремено заблагодарувајќи се за досегашната безрезервна поддршка на Република Словенија во европските и евроатланските интеграциски процеси на Република Македонија, како и за севкупната соработка на билатерален план.
Амбасадорот Раковец изрази убедување дека Словенија ќе продолжи да гради најдобри можни односи со Република Македонија со максимален ангажман и посакување Република Македонија да го добие заслуженото место во ЕУ и НАТО.
Соговорниците заеднички констатираа дека треба да се продолжи со инцијативите за унапредување на економската соработка имајќи ги предвид неповолните трендови на овој план во Европа и светот.
