Компанијата Аутомотив Груп во периодот од 23 јуни до 3 јули ќе го организира хуманитарниот тениски турнир „NISSAN Open 2014“ во тенискиот клуб АБЦ.
Сите парични средства кои ќе бидат собрани од котизациите на тенискиот турнир ќе бидат донирани за помош за набавка на медицинска опрема на Одделот хематоонкологија при ЈЗУ Универзитетска клиника за детски болести, Скопје.
Апликациите за турнирот можат да се пополнат он лајн на Фејсбук фан страната на NISSAN Macedonia на која сите заинтересирани може да се запознаат со официјалните пропозиции и правила за игра.
Учесниците ќе бидат распределени во повеќе категории и тоа во единечна категорија и во категорија двојки. Ќе се натпреваруваат за првата награда во секоја категорија – вредносен ваучер од 12.000 денари кој може да го искористат во ИНТЕКО, генералниот застапник на светскиот тениски бренд BABOLAT во Македонија.
На турнирот ќе бидат вклучени и најмалите. Детската категорија е поделена во три поткатегории: црвен, портокалов и зелен тенис.