Украинскиот претседател Петро Порошенко изјави дека постои можност за дијалог меѓу спротивставените страни во источниот дел на Украина, доколку проруските сепаратисти се разоружаат.
– Не ни требаат преговори поради самите преговори. Мировниот план треба да биде основа за деескалирање. терористите треба да го предадат оружјето, истакна Порошенко по средбата со гувернерот на Доџецката област, Серхиј Тарута.
Тој не ја исклучи можноста да организира тркалезна маса во Доњецк.
Рускиот министер за надворешни работи Сергеј Лавров во разговор со американскиот државен секретар Џон Кери истакна дека е неопходно Киев што е можно побрзо да ја прекине воената операција во овој дел на Украина.
За два месеца во насилството меѓу проруските бунтовници и украинските сили во источниот дел на Украина загинале 270 лица, соопшти украинското Министерство за здравство.