Украинскиот помошник на министерот за внатрешни работи, Антон Херашченко изјави дека во судирите помеѓу украинската војска и бунтовниците во граничниот појас помеѓу Русија и Украина настрадале 15 бунтовници.
Тој доцна синоќа истакна дека во тек на вчерашниот ден, припадници на украинските погранични стражи се судриле со вооружени мажи кои пристигнале од Русија во камиони и во едно пешадиско возило и се обиделе да ја преминат границата во село Маринивк во источна Украина, пренесе „Асошиејтед прес“.
Тој тврди дека напаѓачите имале поддршка од околу 100 проруски активисти кои дошле од украинската граница. Во тие судири како што рече загинале 15, а се повредени пет проруски активисти.
Е. Г.