Рускиот амбасадор во Киев Михаил Зурабов ќе присуствува на инаугуративната церемонија на новоизбраниот претседател на Украина Петро Порошенко, што ќе се одржи на 7 јуни во Врховната рада, соопшти заменикот министер за надворешни работи на Русија Григориј Карасин, пренесува ИТАР-ТАСС.
Амбасадорот ќе присуствува само на официјалниот дел од церемонијата, но не и на приемот, нагласи подоцна анонимен руски дипломатски претставник.
Вчера портпаролот на ОН соопшти дека заменикот-генерален секретар по политички прашања Џефри Фелтман ќе ја претставува меѓународната заедница на церемонијата.
Своето учество го потвдија претседателот на Европскиот совет Херман ван Ромпуј, канадскиот премиер Стивен Харпер, американскиот потпретседател Џо Бајден и францускиот министер за надворешни работи Лоран Фабијус.