Ауди по претставувањето на редизајнираните модели А7 и С7 го претстави и спортскиот модел РС7 со нов изглед.
РС7 има иста моќност како и неговиот претходник, што е повеќе од доволно, бидејќи станува збор за 4,0 литарски твин-турбо В8 со 560 коњски сили, погон на сите тркала и осумстепен автоматски пренос.
Од 0 до 100 километри на час забрзува за 3,9 секунди. Достапни се карбон керамички сопирачки, 21-инчни тркала и зголемување на максималната брзина од 280 на 306 километри на час.
Единствена измена има на дискретни детали на екстериерот и подобрена опременост на внатрешноста.
На дното од маската на ладилникот сега се наоѓа логото „кватро“, а тука се и новите „матрикс ЛЕД“ светла. Во внатрешноста изменети се отворите на клима уредот и рачката на менувачот.
Новата верзија на РС7 во салоните се очекува во текот на следната година.