Денеска се одржа IX-тата Меѓународна изложба на историски возила (old-timers) во Скопје. Домаќин на настанот беше „Еуроимпекс“, во соработка со „АМК Џип рели спорт“.
Пежо, Фиат, Mерцедес, Опел, Ситроен беа само дел од марките на стари автомобили.
Беа изложени и воени и теренски џипови, сите добро сочувани и одржувани и секако, во возна состојба. Манифестацијата привлече голем број граѓани кои ги разгледуваа и се распрашуваа за најстарите експонати.
