Обилните врнежи на дожд и град ги поплавија улиците во Скопје.
Голем дел од булеварите и улиците беа затворени од полицијата, а сообраќајот беше заглавен и се одвиваше со големи проблеми.
Целосно потопени под вода беа плоштадот „Македонија“ и „Филип Втори“, а заглавените граѓани бараа начин како да ја поминат од една на друга страна.
Вработените во угостителските објекти кои се наоѓаат во Стара чаршија со кофи ја изнесуваа надојдената вода.
Најкритичен дел од Скопје беше под подвозникот кај стоковната куќа Мост, каде во половина метар вода, беа заглавени неколку автомобили.
Оперативното тело на Владата и Град Скопје за координација и справување со поплавите вечерва свикаа итен состанок за поплавите кои го зафатија главниот град.
Петар Клинчарски