Сашо Мијалков, првиот човек на Управата за безбедност и контраразузнување, ни денеска не се појави пред надлежната собраниска комисија. Но, го немаше ни в.д. директорот на Агенцијата за разунавање Наќе Чулев.
Повторно за тоа како работела УБК, пред пратениците реферираше заменикот Силјан Аврамовски. И овој пат седницата беше затворена за јавноста.
Извештајот стигна во Собранието со задоцнувањеи без детали. Членови на комисијата брифираат дека во извештајот за минатата година, надлежните не укажале на радикални екстремни групи во Македонија. Извори од Комисијата, се сомневаат дека тајната полиција не презела потребни чекори за да се пресретне или осуети 5-кратното убиство кај Смиљковско езеро.
УБК не доставил ниту информации кои биле барани, за преземени истражни мерки, ниту како се трошелни парите на граѓаните.