Поради реконструкција и санација на патот за Горно Нерези (втора фаза), од утре, 24. мај 2014 година (сабота), до следниот месец сообраќајот кон ова населено место ќе биде пренасочен.
Во согласност со решението за привремен режим на сообраќај издадено од Град Скопје, сообраќајот ќе се одвива по алтернативен пристап во должина од 1.400 метри и тоа од делот каде е завршена првата фаза на патот (од ул. Козле до 3 километри далечина) од десна страна до населеното место Горно Нерези. Граѓаните кои живеат на дел од патот кој се реконструира, ќе бидат привремено пропуштани од страна на изведувачот на градежните работи.
Инаку, градежните работи, кои ќе ги изведува АД „Бетон“, се предвидува да траат од утре во следните 30 дена.