Екипите на Работнички и Кожув денеска ќе ја одиграат „мајсторката“ од полуфиналето на кошаркарскиот плејоф, по што ќе биде познат и вториот тим кој ќе се бори за шампионскиот трофеј.
Откако актуелниот првак МЗТ Скопје Аеродром вчера и официјално обезбеди пласман во финалето, денеска кошаркарите на Работнички и Кожув ќе го одиграат решавачкиот трет натпревар.
Домашниот терен може да се покаже како клучен имајќи во предвид дека сезонава, во шесте одиграни средби, двете екипи се радуваа на триумф на домашен паркет.
Работнички ја доби првата средба од плејофот пред своите навивачи со 88:81, а гевгеличани беа убедливи во вториот дуел да домашен терен со 87:51.
Исто беше и во натпреварите од Првата и Супер лигата, кога двете екипи со победа ги завршија дуелите одиграни пред своите симпатизери.
Натпреварот Работнички – Кожув во салата „Парк’’ во Скопје, ќе се игра ќе стартува од 18 часот и 30 минути.