Генералниот секретар на НАТО Андерс Фог Расмусен денеска во Сараево изјави дека досега Алијансата укажала помош на поплавените региони во Босна и Херцеговина и е подготвена да помогне на земјата и во иднина.
На прес конференција по средбата со членовите на колективното босанско претседателство Расмусен изјави, дека земјите членки на НАТО досега испратиле во БиХ хеликоптери, чамци и спасувачки екипи.
– Одржуваме контакт со ЕУ за да видиме што уште можеме да направиме. Подготвени сме да помогнеме на кој начин и да побарате, изјави генералниот секретар, истакнувајќи го особено проблемот со движењето на неактивираните мински полиња како последица на поројните дождови и лизгањето на земјиштето во земјата.