Светски познати личности и спортисти повикаа да им се помогне на Србија и на Босна и Херцеговина, зафатени од катастрофални поплави.
Меѓу нив се фудбалерот Тиери Анри и британскиот музичар Џејмс Блант.
– Ве молиме, драгоцени пријатели, да им помогнете на Босна и на Србија, напишаа Тиери Анри, поранешен француски фудбалер и неговата девојка Андреја Рајачиќ, која по потекло е Србинка од Босна.
Тенисерот Новак Ѓоковиќ, донираше за настраданите 700.000 евра, кои ги доби со победата на турнирот во Рим.
Венсан Компани, капитен на новиот шампион на Англија во фудбал „Манчестер сити“ испрати 1.200 евра на Србија.
– Ја испраќам мојата најискрена поддршка за жртвите во поплавите во Србија и во БиХ, напиша на својот Твитер профил шпанската кошаркарска ѕвезда на Лос Анџелес Лекјерс По Гасол.