Анѓела Милошевиќ од Обреновац, има само десет години, но веќе е сведок на немили настани и слики, кои ќе ги помни целиот живот.
Таа со својата мајка Сања и петгодишниот брат Василије гледала како згаснува еден живот.
-Додека не евакуираа во чамецот, видов една мајка која пред мои очи го изгуби своето бебе. Ја почувствував нејзината болка- раскажува Сања, пренесе српски „Курир“.
-Бевме во чамец, а насекаде околу нас имаше вода, не носеа кон излезот на Обреновац. Во еден момент видов мајка со две бебиња во рацете. Бараа помош од нас. Спасувачите со чамец се доближија до неа и го зедоа едното бебе, но другото падна во водата, која го однесе. Спасувачите се обидуваа да го фатат, но безуспешно-раскажува Сања.
Е. Г.