Причина за смртта на поголемиот дел од 48 жртви во Домот на синдикатите во Одеса на 2 мај е труење, изјави денеска началникот на обласната управа на украинската Служба за вонредни состојби Владимир Боделан.
– Околу 80 отсто од жртвите го загубија животот не поради јаглен-моноксид и чад. Тоа беше случај на нешто друго, можеби на хлороформ, рече Боделан.
Тој претходно рече дека влезот на пожарникарите и спасувачите во Домот на синдикатите го спречувала група од повеќе илјади напаѓачи, кои без оглед на пламенот кој изби во зградата и натаму фрлале „молотови коктели“ и пукале на прозорците.
– Нашите спасувачи извлекоа над 350 луѓе. Не давам политичка анализа на настаните, но да молчам за ужасот што го доживеаја спасените кои беа пред излезот, не можам да молчам. Ги тепаа толку многу што тие кои уште беа во зградата, одбиваа да излезат, рече Боделан.
Во Одеса во масовните судири на 2 мај настрадаа десетина противници на зимските протести на киевскиот Плоштад на независност – „антимајдановци“ во пожар во зградата на Домот на синдикатите, кои го подметнаа радикалите на Десниот центар и нивните приврзаници.