Гевгелискиот Црвен крст и Општина Гевгелија организираа заедничка хуманитарна акција за помош на настраданите од поплавите во Србија и Босна и Херцеговина.
со апелот што денеска го упатија до граѓаните и фирмите да ја покажат својата солидарност и во најкус можен рок да достават донации во рамки на своите можности.
Организаторите на акцијата апелираа до граѓаните и фирмите да ја покажат својата солидарност и да достават донации во рамки на своите можности.
Информираат дека најнеопходна е храна, нова облека и обувки, ќебиња, бебешка храна, флаширана вода за пиење и средства за хигиена.
Помошта од денеска се доставува во просториите на општинскиот Црвен крст во Гевгелија, а од утре ќе има и дополнителна локација во спортската сала на ДТВ Партизан.
Акцијата ќе се одвива секој ден заклучно со 31-ви мај. Парични средства може да се испраќаат само на фондот за солидарност при Републичкиот Црвен крст.