Во Белград луѓето започнаа спонтано да се собираат на кејот, затоа што се заканува излевање на реката Сава.
Како што пренесуваат српските медиуми голем број граѓани полнат вреќи песок и ги поставуваат на потегот од Небојшина кула до Топчидер, а нивото на загрозеност пред се зависи од нивото на водата на Сава.
-Не можеме точно да прогнозираме колку ќе се зголеми нивото на Сава во градот и дали Белград ќе биде загрозен. Повеќе за тоа ќе знаеме утре, па ќе работиме врз основа на тие податоци-изјави Сања Вуксановиќ Жугиќ од Секторот за вонредни состојби од српското МВР.
Таа додаде дека нивото на Сава делумно зависи и од поплавите во Хрватска. Итно потребни луѓе за одбрана на електраната „Костолац Б“ Реката Млава ги проби насипите кај Братинац, Маруљевац и Брадарац, поради што итно се потребни луѓе за одбрана на Копот „Дрмно“ и ТЕ „Костолац Б“.
Според последните информации состојбата за одбрана од поплава од реката Млава се влошила во последните шест часа.
Е.Г.