Со двата натпревара од полуфиналето стартува кошаркарскиот плеј оф во борба за шампионската титула во Македонија.
Двата натпревара се играат во Скопје. Првакот и екипата која со максимални 10 победи се избори за плеј офот МЗТ Скопје Аеродром важи за фаворит против тимот на Лирија. Овие две екипи играа и во финалето на Купот на Македонија, каде победија „металците“.
Во второто полуфинале меѓу Работнички и Кожув се очекува поголема борба. Повеќекратниот првак на Македонија, Работнички ја има предноста првиот натпревар и евентуалната мајсторка да ја игра на домашен терен.
Натпреварот МЗТ Скопје Аеродром – Лирија се игра во СЦ „Борис Трајковски“ со почеток во 19:30 часот, додека 30 минути порано стартува дуелот во салата „Градски парк“ меѓу Работнички и Кожув.
Полуфиналната серија се игра во два добиени натпревара.