Лирија и Куманово постигнаа победи на домашен терен во двата синоќешни дуела од кошаркарската Суперлига и останаа во трка за плеј-офот.
Куманово со 83:74 беше поуспешен од Кожув. По четвртини 26:18, 14:18, 22:15 и 21:23.
Вукашин Мандиќ со 28 и Немања Врањеш со 18 поени беа најефикасни во победничкиот состав. Кај гостите се истакнаа Миладин Пековиќ со 19 и Игор Мијаиловиќ со 17 поени.
Многу понеизвесно и повозбудливо беше на дуелот во „Кале“ каде Лирија славеше над Работнички со 91:87 по петминутно продолжение, иако на полувреме губеше со 17 поени разлика.
Во петокот шампионот и лидер МЗТ Скопје Аеродром ја победи Струмица со 102:71.
Табела: МЗТ Скопје Аеродром 9-0 (победи-порази), Кожув 5-4, Работнички 4-5, Лирија 4-5, Куманово 4-5, Струмица 0-9.