Металург го загуби и реванш четвртфиналниот дуел од ракометната Лига на шампиони со германскиот претставник Кил. Попладнево домаќините забележаа победа со 34:26 и по скопските 31:21 на убедлив начин се пласираа во полуфиналето.
Ренато Вугринец со шест и Лука Циндриќ со пет голови беа најефикасни во нашиот состав, каде одлично деби имаше младинскиот репрезентативец Филип Талески со три реализации од четири обиди.
Во победничкиот тим најефикасен беше Клајн со осум погодоци.
Кил на завршниот „Фајнл фор“ турнир во Келн оди заедно со трите екипи кои вчера обезбедија полуфинале. Тоа се Фленсбург, Барселона и Веспрем.
Жрепката за полуфиналето ќе се изврши во седиштето на ЕХФ, Виена во вторник во 12 часот.