Тимот на Барселона е првиот кој обезбеди пласман на завршниот Фајнал фор турнир во кошаркарската Евролига.
Шпанскиот тим со максимални 3:0 во четврт-финалната рунда го совлада турскиот претставник Галатасарај.
До третата победа Барселона стигна вечерва на гостувањето во Истанбул каде го совлада Галатасарај со 78:75.
Иста можност како и Барселона, веќе утре ќе имаат екипите на Реал Мадрид и ЦСКА Москва на гостувањата во Атина, против Олимпијакос и Панатинаикос заминуваат со предност од 2:0 во победи.
Покрај овие две средби утре ќе се одигра и натпреварот во Тел Авив во кој Макаби и Емпорио Армани ќе ја бркаат втората победа, откако на дуелите во Милано двете екипи остварија по еден триумф.
Завршниот Фајнал Фор турнирот ќе се игра на 16 и 18 мај во Милано.