Екипата на ЦСКА Москва и во вториот натпревар од четвртфиналето на Евролигата на домашен терен постигна победа над Панатинаикос.
Рускиот кошаркарски тим за разлика од првиот дуел, кој го доби по продолжение, вечерва беше убедлив и славеше со 77:51 (21:19; 18:6; 11:14 и 27:12).
Со оваа победа ЦСКА Москва поведе со 2:0 во добиени натпревари и потребна им е уште една победа за пласман во полуфиналето.
Најефикасен на натпреварот беше играчот на ЦСКА Сони Вимс со 23 поени, додека кај Панатинаикос Роко Лени Укиќ постигна 15 поени.
Вечерва се игра и вториот дуел меѓу Емпорио Армани и Макаби, во кој гостите од Израел водат со 1:0 во добиени натпревари.