На вчерашниот митинг уште еднаш покажавме дека навистина ИМА РАЗЛИКА!
Прилепчани ја препозна таа разлика и својата поддршка ја даваат на ВМРО-ДПМНЕ. Континуирано ја даваат поддршката на партијата која комплетно го промени изгледот на градот, партијата која зад себе остава дела и проекти во интерес на граѓаните. Ви благодариме за континуираната доверба! Сплоени и единствени со позитивната енергија која ни ја давате продолжуваме со нова програма за подобрување на животот на граѓаните преку конкретни мерки и проекти, велат од партијата.
Градење на држава на еднакви можности и подобрување на условите за живот на граѓаните, а особено децата е еден од основните приоритети на ВМРО-ДПМНЕ. Во таа насока минатата година направивме реконструкција на градинката во населбата Бончејца и капацитетот се зголеми за околу 100 дечиња. Грижата за децата и понатаму останува наш приоритет. Со цел унапредување, подобрување и зачувување на здравјето и поттикнување на интелектуалниот, емоционалниот, физичкиот и менталниот развој на детето до 6 годишна возраст, во програмата на ВМРО-ДПМНЕ планирана е изградба, реконструкција и адаптација на градинка во Прилеп.
Понатаму, како модел за грижа и помош на деца со пречки во развојот и нивните семејства во 2014 година во нашата општина е предвидено отворање на Дневен центар за деца од улица, а во 2017 година отворање на Дневен центар за деца со аутизам. Целта на овие дневни центри е да даваат услуги за дневно згрижување, престој, нега, исхрана, психосоцијална рехабилитација и реедукација на децата.