Во земјава до 11 часот се регистрирани осум активни пожари, соопштија од Дирекцијата за заштита и спасување.
Активни се пожарите кај селото Вејце кон село Селце, во општина Македонски Брод кај селото Волче кај, кај кочанските сека Костин Дол и Полаќи кон Вранинци, општина Чашка кај селото Ораше кај селата Богомила, Добровени и Совиќ како и во општина Гевгелија каде пожарот е активен но е под контрола.
Сè уште се активни и пожарите во општина Јегуновце кај селото Вратница и во општина Студеничани кај селото Рамни Габер.
Локализирани се пожарите кај Националниот парк „Јасен“, во општина Струга кај селото Радуч на планината Јабланица како и во општина Сопиште кај селата Патишка река и Дражилово.
Изгаснати се пожарите во општина Гостивар кај селата Лакавица и Митрови Крсти и пожарот во општина Прилеп кај селото Царевиќ на место викано Мајнов Дол.
Пожарот во општина Чашка кај селата Ораше на место викано Орашка Чука и кон селото Богомила, се шири во правец кон Прилеп, село Стровје. Со него е зафатена површина од 200 хектари млада борова шума, даб и бука, а во неговото гасење се ангажирани 20 лица од ЈП„Македонски шуми“.
Според Дирекцијата за заштита и спасување, пожарот кој се појави на 25 август, во општина Новаци помеѓу селата Добровени и Совиќ на место викано Крстот, на 40 километри до Битола е активен, но е приземјен. За гасење на пожарот ангажирани се 7 лица од ЈП „Македонски шуми“.
Исто така, пожарот во општина Гевгелија, помеѓу селата Коњско и Хума е активен, но е под контрола. За негово гасење се ангажирани 2 пожарникари и противпожарно возило, 25 лица од ЈП „Македонски шуми“ и 10 лица од месното население.
Локализирани се и пожарите во општина Сопиште кај селата Патишка река и Дражилово и во општина Струга кај селото Радуч на планината Јабланица.