Откриена е голема измама во царина. 43 милиони неоригинални акцизни маркички, фирмата производител се обидела да и ги подметне на Царинската управа.
Според анализите во МВР, маркичките не ги содржат основните заштитини елементи и обележја Тие се наоѓаат во трезорот на Народната банка.
Повеќето се акцизни маркички за тутун и тутунски производи, но има дел и за алкохолни пијалаци. Отпечатени се 115 милиони, а за нивната изработка што била три до четири пати поевтина, фирмата заработила околу 9,5 милиони денари. За случајот е поднесена соодветна пријава, но уапсени нема, соопшти денеска директорот на Управата Ванчо Каргов,
„Покрај овие 43 милиони за кои е потврдено дека не се оргигинал, Царинската управа пронајде уште 6,5 милиони такви маркички во магацините на фирмите кои, незнаејќи веќе ги набавиле“, рече на прес-конференција директорот Ванчо Каргов.