Огнената стихија која деновиве беснееше во Националниот парк „Јасен“ делумно е под контрола и локализирана, но на неколку места е сеуште гори.
На терен се ангажирани 10 вработени од Шумско стопанство и 20 од шумски резерват Јасен и дејствува протипожарниот авион на Дирекцијата за заштита и спасување.
Пожарот е активен помеѓу селата Тажево и Брезница, каде гори борова шума.
Активен е пожарот кај велешките села Бањица, Дреново и Лисиче, каде гори габер, даб и стара сеча. На терен се ангажирани 7 вработени од Шумското стопанство, кои имаат сознанија дека пожарот намерно се потпалува за што е се известено МВР.
Од ДСЗ информираат дека активен и натаму е пожарот кај кумановско Глажња, на местото викано Мала Пресица, каде гори нискостеблеста шума на непристапен терен- западно према спрема Срима и се движи кон Брест.
Локализиран е пожарот кај тетовското село Туденце каде беше зафатена борова шума, но повторно чади на неколку места.
Чади и кај село Радуша.
Изутрината бил пријавен и пожар во општина Ѓорче Петров меѓу селата Никиштани и Грачани на приватна дабова шума.