СДСМ вели дека за вчерашното положување цвеќе во Слупчане од страна на официјални офицери и претставници на војската и министерството за одбрана, на спомениците на паднатите борци на ОНА траба првида одговорат врховниот командант на АРМ, претседателот Ѓорѓе Иванов и премиерот на Владата Никола Груевски.
„Врховниот командант треба да одговори дали со негова дозвола, офицери на АРМ положувале цвеќе на споменикот на паднатите борци од ОНА, а премиерот Груевски треба да одговори дали министерот Фатмир Бесими беше таму испратен од премиерот , премиерот знае за тоа или тоа било случајно. Со други зборови граѓаните треба да знаат дали тоа што се случи вчера е инцидентен настан или е промена во политиката што ја води оваа власт по тоа прашање“ изјави потпретседателот на СДСМ, Зоран Јовановски.