Денеска делегација на Штабот на АРМ од пет офицери, министерот за одбрана Фатмир Бесими, министерот за правда Блерим Беџети, вицепремиерот Муса Џафери и заменик министерот за внатрешни работи Џелал Бајрами, во Слупчане, положија венци и цвеќе и се поклонија на споменикот на жртвите од конфликтот во 2001-та, припадници на УЧК.
Ова е прв пат, по 11 години од воениот конфликт и потпишувањето на Охридскиот рамковен договор, институционално да се оддаде почит на припадниците на УЧК.
Слупчане, рече вицепремиерот Муса Џафери, е симболично избрано, бидејќи се оддава почит на мачениците, на оние кои ја дадоа крвта за постигнување на мирот.
