Ватерполистите на Србија ги победија Црногорците со 12:11 (3:2, 1:3, 4:5, 4:1) на олимпискиот турнир и го освоија бронзениот медал.
Црногорците на 6 и пол минути пред крајот на натпреварот имаа три гола предност, а Србија со серија 4:0 успеа да направи пресврт и да стигне до победа.
Овој меч претставуваше реприза на натпреварот од Олимписките игри во Пекинг каде Србија исто така ја победи Црна Гора во борбата за третото место со 6:4.
Ова беше втор натпревар помеѓу Србија и Црна Гора во Лондон. Овие две екипи се сретнаа во групната фаза на натпреварите кога играа нерешено 11:11.
Ватерполистите и го донесоа 4-от медал на Србија од овие Олимписки игри во Лондон.