Експлозивна направа во саботата околу 02:00 часот е фрлена и експлодирала во дворот на куќата на директорот на прилепскиот затвор Драган Пенков, соопштуваат од полицијата.
При инцидентот нема повредени, а од екплозијата се оштетени фасадата на куќата и неколку прозорци, а е направен и кратер во тревникот пред куќата.
Прилепската полиција работи на пронаоѓање на сторителот. За случајот е известен и Секторот за антитероризам, информираат од Министерството за внатрешни работи.