Актуелниот Олимписки шампион репрезентацијата на Франција ќе има можност да го брани олимпискот злато освоено пред четири години во Пекинг.
„Триколорите“ синоќа во полуфиналето беа подобри од Хрвастка совладувајки ја со 25:22 (полувреме 12:10). Голманот Тјери Омејер кој имаше 19 одбрани беше најзаслужен за пласманот на Франција во финалето, во кое за противник ќе ја имаат селекцијата на Шведска.
Швеѓаните во полуфиналниот натпревар против Унгарија славеа победа со 27:26 (полувреме 15:12), во дуелот на двете селекции кои на ОИ во Лондон стигнаа преку квалификациите, во кои ја елиминираа репрезентацијата на Македонија.
Финалниот натпревар Франција – Шведска ќе се игра во недела од 16 часот, додека Хрватска и Унгарија од 12 часот, ќе го започнат натпреварот за 3-тото место.