Филипче на Конференција за проширувањето на ЕУ во Унгарија

Од:

Претседателот на СДСМ, Венко Филипче, учествувал на Конференцијата за прогресивната агенда и иднината на проширувањето на Европската Унија, што се одржува во Унгарија, на покана на Фондацијата за европски прогресивни студии (FEPS) и Фондацијата „Фридрих Еберт“ (FES).

Како што информира Филипче преку објава на Фејсбук, на конференцијата ја истакнал потребата од фер, правичен и кредибилен процес на пристапување во ЕУ, како и конкретните придобивки што членството ќе ги донесе за македонската економија, земјоделството, владеењето на правото и функционалноста на институциите.

– Европските реформи не се само услов за членство, туку пред сè можност за подобар живот, посилни институции и поправедно општество. Реформскиот процес мора да значи вистинско подобрување во секој сегмент од државата, наведува Филипче.

Тој оценува дека Македонија денеска се соочува со сериозни предизвици и ја критикува актуелната власт, обвинувајќи ја за партизација на институциите, уназадување на економијата и поткопување на демократијата.

– Наместо да ја движи земјата напред, власта ја враќа назад и им ја одзема европската перспектива на граѓаните, наведува претседателот на СДСМ.

Филипче посочува дека усогласувањето со стратешките интереси на ЕУ, одлучната борба против авторитаризмот и пропагандата, како и спротивставувањето на обидите за ограничување на демократијата и човековите слободи, се заеднички цели.

Тој додава дека СДСМ ќе продолжи да се бори за овие вредности заедно со сестринските социјалдемократски партии и прогресивните партнери од Европа.

– Само преку заедничка акција, солидарност и силна социјалдемократска визија можеме да обезбедиме демократска, правична и европска иднина за нашите граѓани, порачува Филипче.

Би можело да ве интересира

ВМРО-ДПМНЕ: Филипче и СДС молчеа во 2023 година за Алта банка, глумеа итност, но по 10 дена ја свикаа првата надзорна седница

ВМРО-ДПМНЕ: Филипче и СДС бегаат од надзорна расправа за Алта банка и продолжуваат да лажат дека банката имала забрана за работа во ЕУ

Филипче: Во Буџетот нема пари за зголемување на платите – нема развој, само долгови и камати

(ВИДЕО) Филипче: Македонија на дното, 41 место во Европа – ММФ ги разби бајките на Мицкоски за трета економија

Горан Наумовски

(ВИДЕО) Филипче: Мицкоски лаже дека СДСМ донела одлука за влез на Алта банка

(ВИДЕО) Надзорна расправа: Со одлука на владата на СДСМ во 2023 бил дозволен влез на Алта банка, вели Мицкоски