Русија изврши масовен напад врз Киев и неколку украински региони, оштетени се три моста

Од:

Руските вооружени сили извршиле масовен напад врз објекти на украинскиот воено-индустриски комплекс, енергетски капацитети и транспортна инфраструктура во Киев и во неколку други региони, соопшти денеска руското Министерство за одбрана.

Како што е наведено во соопштението, руските сили го извеле нападот со употреба на високопрецизно оружје од копно, море и воздух, како и беспилотни летала.

„Како резултат на нападот, оштетени се претпријатија на украинскиот воено-индустриски комплекс и складишни терминали за производство и чување крстосувачки ракети, беспилотни летала со долг и среден дострел, енергетски објекти и транспортна инфраструктура во градот Киев, како и во Киевската, Днепропетровската, Николаевската, Лавовската и Ивано-Франковската област“, се наведува во соопштението, пренесува агенцијата РИА Новости.

Градоначалникот на Киев, Виталиј Кличко, соопшти дека три моста во градот – Подилско-Воскресенскиот, Дарничкиот и Јужниот – биле оштетени во рускиот напад со балистички ракети во текот на ноќта. Поради оштетувањата, сообраќајот меѓу левиот и десниот брег на градот е отежнат.

Би можело да ве интересира

Рјабков: Членството на Украина во НАТО е неприфатливо

На Украина ѝ се потребни 115 милијарди долари за 2027 година

Мицкоски во Берлин на состанокот посветен на Украина: Ја потврдивме поддршката за постигнување праведен и траен мир преку дијалог, дипломатија и координација со нашите сојузници

Путин: Украина и Европа сè уште не се подготвени за компромис

Најмалку девет лица се повредени во украински напад врз руската област Курск

Во септември, Русија поседуваше американски државни обврзници во вредност од 25 милиони долари

Горан Наумовски