Рускиот државјанин Игор Дију е обвинет во Соединетите Држави за шпионирање вработени во компанија од Силиконската долина, која е активна во технолошкиот и одбранбениот сектор, соопшти Министерството за правда на САД.
Според обвиненијата, Дију – постапувајќи по наредби на поединци за кои се верува дека се поврзани со руските разузнавачки служби – собирал информации за активностите на компанијата, поради нејзината улога во снабдувањето на Украина со оружје, пренесува „Асошиејтед прес“.
Судските документи и изјавата на ФБИ укажуваат на тоа дека осомничениот често престојувал во кафуле во близина на седиштето на компанијата во Северна Калифорнија, каде што ги идентификувал вработените и ги фотографирал екраните на нивните лаптопи. Тој, исто така, прибирал податоци за нивните домашни адреси и лични информации, а во одредени случаи и ги следел вработените со автомобил откако ќе го завршеле работниот ден.
