Студентска листа најави референдум за влезот на Србија во ЕУ

Од:

Новото парламентарно мнозинство во Србија планира да одржи референдум за членство во ЕУ, кој би можел да се одржи пред 2031 година, изјавија за порталот *Rapporteur* двајца истакнати претставници на победничката „Студентска листа“.

Гласањето би следело по спроведувањето на реформите од страна на новата српска влада – откако таа ќе биде формирана – насочени кон зајакнување на судството, воспоставување на владеење на правото и подобрување на слободата на медиумите.

– Ќе мораме да одржиме референдум. Ќе мораме да ги прашаме граѓаните, изјави за *Rapporteur* Ана Димитријевиќ, парламентарен кандидат од „Студентската листа“.

Димитријевиќ, која е наставничка по англиски јазик во средно училиште, во текот на изминатите недели остварила неколку средби со претставници на ЕУ, заедно со други клучни претставници на новата водечка политичка сила во Србија. Порталот наведува дека Брисел е известен за можноста за одржување референдум за членство во ЕУ.

„За ова спомнавме неколку пати за време на средбите што ги одржавме“, рече Димитријевиќ.

Во значаен политички пресврт на 25 октомври, „Студентската листа“ – движење што произлезе на локално и граѓанско ниво – успеа да ја собори од власт Српската напредна странка (СНС) на Александар Вучиќ, кој ја водеше земјата како претседател речиси една деценија, почнувајќи од 2017 година.

Во текстот се наведува дека Србија поднесе барање за членство во ЕУ во 2009 година, а во 2012 година доби статус на официјален кандидат. За време на мандатот на Вучиќ, преговорите на Србија за пристапување кон ЕУ практично запреа, додека Брисел сè почесто изразуваше незадоволство поради ерозијата на демократијата и нападите врз слободата на медиумите, се додава во текстот.

Би можело да ве интересира

ВИДЕО: Загина пилот на Војската на Србија во пад на МиГ-29 кај Стара Пазова

Катерина Ѓуровски

(ВИДЕО) Нова политичка ера во Србија: конституирање на Парламентот со мнозинство од Студентската листа

Загина 19 годишник во сообраќајка во Србија – другарот со автомобил удри во коњи покрај патот

А1он

Полјански: Европа ги игнорира преговорите за Украина и се држи до старите позиции

Бернам: Очекувам договор со ЕУ што ќе донесе придобивки и за Британија и за Европа

Снег, магла и одрони на патиштата низ Србија: Камионите на „Батровци“ чекаат и до три часа, на возачите им се советува да бидат внимателни