Поддржувачите на Демократската партија слават низ Соединетите Американски Држави по големата победа на изборите за Конгресот, на кои републиканците на претседателот Доналд Трамп го загубија мнозинството во двата дома.
Снимките од Детроит, Њујорк и Остин покажуваат еуфорија меѓу поддржувачите на демократите, кои изборните резултати ги дочекаа со извици, аплаузи и прегратки.
The dems NY watch party erupts in cheers as the democrats take control of the house. https://t.co/V5yLvqJSbB
— Simone Saidmehr (@saidmehr_simone) November 4, 2026
Демократите освоија најмалку 219 места во Претставничкиот дом, обезбедувајќи мнозинство, како и најмалку 51 место во Сенатот. Особено одекнаа нивните победи во сојузни држави кои традиционално важат за упоришта на републиканците, меѓу кои и Тексас.
Големо славје имаше во Детроит, каде што поддржувачите на демократите со овации ја дочекаа веста дека партијата го презема мнозинството во Претставничкиот дом. Слични сцени имаше и во Њујорк, каде што изборниот резултат беше дочекан како голем политички пресврт.
Особено големо внимание привлече победата во Тексас, една од најважните републикански сојузни држави. Во Остин, поддржувачите на демократите славеа по победата на Џејмс Таларико над републиканецот Кен Пакстон во трката за Сенатот. Кога Си-Ен-Ен ја објави победата на Таларико, неговите поддржувачи се прегрнуваа и плачеа од радост.
The moment CNN called the race at Talarico HQ https://t.co/l6QeH5wjKz
— nikki mccann ramírez (@NikkiMcR) November 4, 2026
Според објавените резултати, Таларико е првиот демократ по 1988 година кој победил на избори за американскиот Сенат во Тексас.
Демократите ја освоија и гувернерската функција во оваа држава. Џина Хинохоса го победи долгогодишниот републикански гувернер Грег Абот.
Downtown Austin: Democrats celebrate flipping Texas https://t.co/pfQBNZ06iD
— Scott Braddock (@scottbraddock) November 4, 2026
Изборите одржани на 3 ноември претставуваат тежок удар за Трамп, кој во кампањата ги повикуваше републиканските гласачи да се однесуваат како неговото име да се наоѓа на гласачкото ливче.
Со преземањето на мнозинството во двата дома на Конгресот, демократите ќе имаат можност да ги блокираат законодавните иницијативи на претседателот и да отвораат истраги за работата на неговата администрација. Контролата врз Сенатот ќе им овозможи да влијаат и врз потврдувањето на претседателските номинации за високи државни и судски функции.